امـــــــــي زعــــلانــــه!!

السلام عليكم ورحمة الله وبركاتة

امي زعلانه


وسط المزارع والغيطان
شفت امى ماشيه زعلانه
الدمعه تنزل تهدم الجدران
قلتلها مالك ليه غضبانه

..........

اتكلمت بصوت وكان مبحوح
وقالت ولادى اليوم ناسونى
الحزن فيا والالم مجروح
لما القي ولاد عادونى

...........

قلتلها صبرا دا الامل راجع
قالت منين والطريق مسدود
دا انا ياما منكم شفت مواجع
قلتلها لازم نصر الله يعود

................

حقك علينا يا امنا يا غاليه
دى دمعتك غاليه علينا
انتى مكانك فى القلوب عاليه
واللى يخونك نكله بعنينا

...........


قالت ولادى كل يوم بتموت
والكل همه كراسى ومناصب
ميعرفوش ان فى يوم موعود
حيكون امام ربه بيتحاسب

............

اصح يا ولد وصحى كل الناس
وقلهم وطنا دا غالى
وبلاش نطاطى ونميل الراس
احنا مكانا فى الهرم عالى

......................

ودى وصيه وخدها من امك
اوع تفرط يوم فى اخواتك
لا تنكسر ولا يهزمك همك
ولا فى يوم تنسى عاداتك
اللى بينزف مش غريب منك
دا الكل واحد صفى نياتك